وێستگه‌ كۆنه‌كانی ئه‌وروپا به‌ته‌قینه‌وه‌ی داواكاری زیرەکی ده‌ستكرد، ژیانێكی نوێ وه‌رده‌گرن

خشتەی ناوەڕۆک

وێستگه‌ كۆنه‌كانی ئه‌وروپا به‌ته‌قینه‌وه‌ی داواكاری زیرەکی ده‌ستكرد، ژیانێكی نوێ وه‌رده‌گرن

به‌ گه‌شه‌ی خێرای پیشه‌سازی زیرەکی ده‌ستكرد، زۆربه‌ی وێستگه‌ چۆڵكراوه‌كانی خه‌ڵووز و گازی سروشتی له‌ ئه‌وروپا بڕیاره‌ جارێكی دیكه‌ چالاك ببنه‌وه‌— ئه‌مجاره‌یان نه‌ك بۆ به‌رهه‌مهێنانی كاره‌با، به‌ڵكو بۆ میوانداریكردنی (datacenters) ی زه‌به‌لاحه‌كانی ته‌كنه‌لۆژیا وه‌ك (Microsoft) و (Amazon).

سێ كۆمپانیای گه‌وره‌ی وزه‌ له‌ ئه‌وروپا—(Engie) فه‌ڕه‌نسا، (RWE) ئه‌ڵمانیا و (Enel) ئیتاڵیا— سه‌رقاڵی وتووێژن بۆ گۆڕینی ئه‌م دامه‌زراوانه‌ بۆ ناوه‌نده‌كانی داتا. ئه‌م سایتانه‌ كه‌ ژێرخانى ئاماده‌ى ئاو و كاره‌بایان هه‌یه‌، بژارده‌یه‌كی گونجاون بۆ وه‌ڵامدانه‌وه‌ی پێویستی زیادبوونی هێزی (AI) . ئامانجی ئه‌م كۆمپانیایانه‌، واژۆكردنى گرێبه‌ستی درێژمه‌ودای دابینكردنی وزه‌یه‌ له‌گه‌ڵ ئۆپه‌راتۆره‌كانی (datacenters) و سوودوه‌رگرتن له‌ ده‌رفه‌تی زێڕینی گه‌شه‌ی داواكاری جیهانی بۆ خزمه‌تگوزارییه‌كانی زیرەکی ده‌ستكرد.