له ساڵی ٢٠٢٥دا، گه‌وره‌ترین كۆمپانیا ته‌كنه‌لۆژییه‌كانى ئه‌مریكا تا ئێستا زیاتر له ١٥٥ ملیار دۆلاریان له‌سه‌ر په‌ره‌پێدانی زیرەکی ده‌ستكرد خه‌رج كردووه— ژماره‌یه‌ك كه ته‌نانه‌ت له بودجه‌ی تایبه‌تكراوی حكومه‌تی ئه‌مریكا بۆ په‌روه‌رده، كار و خزمه‌تگوزارییه كۆمه‌ڵایه‌تییه‌كان له ساڵی داراییدا زیاتر.
به پشت به‌ستن به ڕاپۆرته داراییه سێ مانگییه‌كانی ئه‌م دواییه‌ی كۆمپانیاكان وه‌ك (Meta)، (Microsoft)، (Amazon) و كۆمپانیای دایكی (Google) به‌ناوی (Alphabet)، ڕه‌وتی سه‌رمایه‌گوزارییه‌كان نه‌ك ته‌نها خاو نه‌بووه‌ته‌وه به‌ڵكو به خێراییه‌كى زۆر له زیادبووندایه؛ به شێوه‌یه‌ك كه پێشبینی ده‌كرێت له كۆتایی ساڵدا، تێچوویه‌كانی په‌یوه‌ست به ژێرخانه‌كانی زیرەکی ده‌ستكرد بگاته چه‌ند سه‌د ملیار دۆلار.
ڕاپۆرتەكان ئاماژه به‌وه ده‌ده‌ن كه ته‌نها تێچوویه‌كانى (CapEx) یان سه‌رمایه‌گوزارییه‌كانی ئه‌م كۆمپانیایانه—واته تێچوویه‌كانی بۆ كڕین یان به‌رزكردنه‌وه‌ی سه‌روه‌ت و سامانی جەستەیی وه‌ك ناوه‌نده‌كانی داتا و كه‌ره‌سته‌كانی (AI)—له هه‌مان ئه‌م چه‌ند مانگه‌ى سه‌ره‌تای ساڵدا، گه‌یشتۆته ده‌یان ملیار دۆلار.